- أجنا ميضار ألطو
نعيمة الفارسي شاعرة الريف المقتدرة و التي تنسج خيوط القافية بكلمات ريفية أمازيغية قحة .
أجنا ميضار الطو سيقطف زهرة كل أسبوع من حديقة ديوانها ” راغاييد” ⵔⴰⵖⴰⵢⴷ.
زهرة الاسبوع : رالا يما إعيزان.
Maymmi tuyared war tkmred x isurifen?
qimment ghar rxzrat nnem tmutuyent x yexxamen
w dantid d ametta x wurawen tacmiden
w dantid d asendef x yexsan tnzbaren
Lalla yemma i3izzen tarwa nnem tmendaren
Umi ttarid s wa3rur wi ten ghar ysseymen
Lalla yemma i3izzen tarwa nnem tendrafen
mara war sen tessighed fus nnem wi ten gha ysnkkaren
Lalla yemma i3izzen tarwa nnem tnuruyen
Umi trahed tuyared wi ten ghay sbbaren
Mindam tegga ya raxat das iqdwen idaren
ma ghar nettat itufid tccurem attawen
tucaret ttanwwact tisraw dg mdrawen
ghezzu daynegh teggid ighza dgw urawen
maghar war tejid dayi tterqa s ubhrur nnes yiriwen
aday tini ydji tsa ynu min di tedjid s tazyudi n wawaren
tsa ynu cfayam zgw ddar di tmura n miden
wa njjiwnegh acedci war nenni min ghar negh d awarwen.
Yemma wi ghar yshessen imarra iraghiten
Yemma win day ghar issemden rhriq iyzziwen
Yemma wi day ghar imshen amtta z ggur itnixsisen
man ahsi idi ghawdigh ad arregh mezri inu iffuden
R3unsar n rhnunyyet yuzegh nccin war njjiwen
Inayi min ghaggen tarwa nnem irs3ud ifarghen
ma ttidet a3yyad ghar u jenna isgenfa iyzzimen
nigh d ttanfust nni nsbar zi xafnegh tedhicen
Yemma ad iqqim raggaj nnem d
asendef iggam kidengh d isurifen.
