ⴰⵊⴰⵏⵏⴰ ⵎⵉⴷⴰⵔ ⵓⴼⴰⵍⴰ
Ucigh s rhriq nnem ..
Gged kidi fus nnem ad nender iyzzimen
I cwyanegh zman isruyanegh zgw urawen
Yarred ghar negh ighzar n rhem d ixyyiqen
Isserdanegh andref iyma kigh d isurifen
Iysi yyanegh d nwwac issizgha negh dg xxamen…
Udja itghiren a newda ghezzu iwttuten .?
Udja itghiren ad nyad dgw 3ban n mmiden.?
Nigh ad nmun ra neccin agd Thimmrat i hwwasen?
Udja itghiren amya igha dwrent tisdnan i mazighen.?
Gged kidi fus nnem ad nender iyzzimen
Mermi mma nkkar anuyar arzina negh idaren
Mermi mma targha xafnegh cwayt n tfawt
Tarjijen tenxra3n ..!
Mermi mma nenna tasghart negh srahha nagh dg xarriqen
Min negga i yin yssesmaden rhriq s tiqqad yujaren ?
Min negga i yin ijjin rs3ud negh tnuruyen ?
Min negga i ynni inkaren abddi negh kidsen d marra ibdditen
Ma d ttaryast n wissa ikkin nix d iqcwar n midden ?
Gged kidi fus nem ad nender iyzzimen
Atqadam xef sbar nnem d itadjest n yxxamen
Atqadam mara tefghed tardred rehyud ismmaden.
Atqadam xef waddud nnem d itwngint itwarcmen
Atqadam xef Tara n rhnunyyet d wehsi nnem yiriwen
Ahsi isseymen cek d ccem d nnec d tsatatc id ghayasen .
Atqadam xef wsfarnen nnem waxxa cem d tmessi itcfcufen ..!
Ad tqqimed ttisnnat di tmijwin nsen ibbuybhen
Yin itraghan s ucraf nnem s iraghan immuynen
Yin 3mmas war cem isseqsin min di tedjid
war yucin s rhriq nnem
Gged kidi fus nnem ad nender iyzzimen
Mara icwyanegh zman isherwa negh tarzugi d iskkifen
Xa ad anegh idhec tiwcca ad nzzerz zg ndrifen
Ghar negh rheq ad niri tifuyin war ighdjyen
Ghar negh rheq ad niri dgw aydud d ijn wezyen
Naima Farssi
